ကရင့်တော်လှန်ရေးနေ့ထူးနေ့မြတ်များ (အကျဉ်း) ၁

၁။ ကရင်နှစ်သစ်ကူးနေ့ (သလေလဆန်း- ၁ ရက်နေ့)
ကရင်လူမျိုးသည် လူမျိုးတမျိုးဖြစ်သည်။ လူမျိုးတမျိုးမှာ ရှိအပ်သည့် အင်္ဂါ လက္ခဏာများမှာ-
(၁) တူညီသောပြောဆိုသည့်ဘာသာစကား
(၂) တူညီသောသမိုင်း
(၃) တူညီသောယဉ်ကျေးမှုဓလေ့ထုံးစံ
(၄) တူညီသောနေထိုင်ရာနယ်မြေ
(၅) တူညီသောစီးပွားရေးစနစ်များဖြစ်သည်။


ကရင်အမျိုးသားများသည် လူမျိုးတမျိုးဖြစ်သည့်အားလျော်စွာ သီးခြားယဉ်ကျေး မှု ဓလေ့ထုံးစံများရှိသည်။ ခေတ်အဆက်ဆက်ပဒေသရာဇ်မြေရှင်များ၏ ဖိနှိပ် ကျွန်ပြုမှုများကြောင့် ကရင်အမျိုးသားများ၏ ဓလေ့ထုံးစံအတော်ပပျောက်သွား သော်လည်း ကရင်နှစ်၊ ကရင်လ၊ ကရင်နှစ်သစ်ကူးစသည့် ဓလေ့ထုံးစံများ ထိမ်း သိမ်းနိုင်ခဲ့သည်။
မြေယာလုပ်ငန်းကို လုပ်ကိုင်သူများဖြစ်သည့်အလျောက် လများကို မိမိတို့လုပ် ကိုင်သည့်ရာသီအလိုက်အလုပ်များအပေါ် အမှီပြု၍ ခေါ်ဆိုသည်ကို တွေ့ရ သည်။

စကောကရင်လများ-
(၁) သလေ (နှစ်သစ်တောင်ယာအတွက် ရှာဖွေ၊ ဓားသွေးကျောက်ချသည့်လ)
(၂) ထေးကူ (တောင်ယာခုတ်သည့်လ) (ထေးဖဲ့လည်းခေါ်သည်)
(၃) သွေးကော (အချို့က(သဲကော)တတိယလနှင့် ခုတ်ချသည့် အပင်များနေ လှန်းသည့်လ)
(၄) လါခလီး (မျိုးစေ့များစစိုက်သည့်လ (၁၅)ရက်)
(၅) ဒေညား (ဒေညား- Silies ပွင့်ဖူးသည့်လ (၁၅)ရက်)
(၆) လားခူ (စိုက်ခင်းသည်တောင်ယာစပါးများပေါက်၍ လန်းဆန်းလာသည်။ အချို့များက လါခူ-ခြောက် (ဃု)ကို ကာလရွှေ့လျော၍ ခု-ခူ ဖြစ် သွားသည်။
(၇) လားနွီး (၇ လ ပြောင်းပင်များ မုတ်ဆိတ်ကျသောလ)
(၈) လားဃို (၈ လ အချို့များက (လားဃိုး) ပြောင်းဖူးဖုတ်စားသည့်လ)
(၉) လားခူ (၉ လ ခွီးကို ကာလရွေ့လျော၍ ခူ-ခူး ဖြစ်သွားသည်။ အချို့များက (တခူ) ဖွတ်ကျသောလဟုလည်းခေါ်သည်)
(၁၀) ဆိမူ (မိုးကုန်ခါနီး နေကို နေ့အချိန်စတွေ့လာသောလ)
(၁၁) ဆိဆာ (ညအချိန်ကြယ်များ ကောင်းစွာပေါ်သောလ)
(၁၂) လားနော (နှမ်း- ရိတ်သိမ်းပြီးစုဆောင်းသည့်လ)
(၁၃) လားပလူ (နှစ်ဆုံးလ)
လပေါင်း (၁၃)လ၊ နှစ်ထပ်နှစ်ကြီးများလားခလီးနှင့် ဒေညား (၂) အ
ပြည့်စီရှိ၍ ရိုးရိုးနှစ်များတွင် ပထမလ၀က်တွင် “လားခလီး“ လဆုတ်တွင် ဒေညား
ဟုယူကြသည်။ အချို့များက လားခူ (၆)လ တလကိုမထားဘဲ၊ တနှစ် (၁၂)လ သာရှိသည်ဟုဖေါ်ပြသည်။ လ၏နာမည်ကို ကြည့်ခြင်းအားဖြင့် တနှစ် (၁၃)လက ပိုမှန်ဖြစ်သည်။ နှစ်ကြီးများတွင် လားခူကိုထားပြီး ရိုးရိုးနှစ်များတွင် (လားခူ)ကို မထည့်သူများလည်းရှိသည်။
ထိုနည်းတူစွာနေ့နာမည်များ ကရင်လိုမှည့်ခေါ်ကြသည်။ လနှင့်နေ့ များနာမည်ကို ယခင်ကရင်သတင်းစာများဖြစ်သည့် ဆာတူဂေါ်၊ ဆာတူဟားများ ၌ စောစွာကတည်းက တွေ့ရှိသည်။
သလေလသည် ပဌမလဖြစ်၍ နှစ်ဟောင်းကုန်၍ နှစ်သစ်ရောက် တိုင်း နှစ်သစ်ကူးနှစ်ကို ကျင်းပသည့်အလေ့အထရှိခဲ့သည်။ ဖါပွန်ခရိုင် (ယခင် သံလွင်ခရိုင်အရေးပိုင်)သည် ကရင်များ၏ နှစ်သစ်ကူးနှစ်ကို အသိအမှတ်ပြု၍ ဖါ ပွန်ခရိုင်အတွင်း ရုံးပိတ်ရက်အဖြစ် သတ်မှတ်ပြုလုပ်ခဲ့သည်။
မြန်မာပြည် အန္ဒိယနှင့်ခွဲသည့် ၁၉၃၇ ခုနှစ်တွင် ကရင်အမျိုးသား များလည်း (ဟိုစဉ်က)ဒေါကလူခေါ် (KNA)က ကရင့်အခွင့်အရေးများ စတင် တောင်းဆိုခဲ့သည်။ ကရင့်နှစ်သစ်ကူးနေ့ကို ရုံးပိတ်ရက်အဖြစ် သတ်မှတ်ရန်ဖြစ် သည်။
၁။ ကရင်နှစ်သစ်ကူးနေ့ကို သလေလဆန်း (၁)ရက်နေ့ ကို အားလုံးသဘောတူ ကြသည်။
၂။ သလေ (၁)ရက်သည် မြန်မာသက္ကရာဇ်အားဖြင့် ဘာနေ့လဲပြသနာမှာ အငြင်း ပွားကြသည်။ ဟိုစဉ်ခါက ဖါပွန်ဘက်တွင် ကရင်ပြက္ခဒိန်နှစ်ခုပေါ်ထွက်ခဲ့ သည်။ တခုမှာ ဖူးယာနေး ခရစ်ယာန်ဘာသာမှ ဦးစီးထုတ်သောပြက္ခဒိန်နှင့် ကျန်တခုမှာ စောမောရွှေ (မင်းနန်းနွယ်ရွာ-ဗုဒ္ဓဘာသာ)မှ ထုတ်သော ပြက္ခ ဒိန်ဖြစ်သည်။ ကရင်လွှတ်တော်အမတ်များထဲတွင် ခရစ်ယာန်ဘာသာအများ စုဖြစ်သည်ကတကြောင်း၊ လွှတ်တော်ကိုတင်ဘို့ ရက်ကပ်နေသည်ကတ ကြောင်းကြောင့် သုတေသနတိကျစွာ မလုပ်တော့ဘဲ ဖူးယာနေး၏ ပြက္ခဒိန် ကိုယူ၍ (မှီး၍)သလေသည် ပြာသိုလဖြစ်သည်ကိုအတည်ပြုပြီး စောမောင် ရွှေ (သလေလ)သည် တပို့တွဲလဖြစ်သည်ကို ပယ်လေသည်။
၃။ ကရင်နှစ်ကို ဘယ်နှစ်ကစယူမလဲပြသနာမှာ အတော်အငြင်းပွားခဲ့သည်။ အချို့က ခရစ်နှစ်အတိုင်း၊ အချို့ကကမ္ဘာ့နှစ်(ခရစ်နှစ်+ ၄၀၀၀)ကို အဆိုပြု ကြသည်။ တချို့က ကိုသာဖြူ ခရစ်ယာန်စတင်ယုံကြည်လက်ခံသည့်နေ့ကို အဆိုပြုကြသည်။ နောက်ဆုံးတွင် ကရင်အမျိုးသားများမြန်မာပြည်သို့ စ ရောက်သည့်နေ့မှအစပြု၍ အားလုံးသဘာတူကြသည်။ ထို့ကြောင့်ကရင်နှစ် ကို ခရစ်တော်မပေါ်မီ ဘီစီ- ရ၃၉ ခုနှစ်မှ အစပြုရေတွက်သည်။
၎။ ၁၉၃၈ ခုနှစ် လွှတ်တော်တွင် နှစ်သစ်ကူးနေ့ကိုအသိအမှတ်ပြုဘို့တင်သွင်း သည့် ကရင်အမတ်မှာ စောဂျွန်ဆင်ဒီဖိုးမင်း (၀ါ)ဖူးတာမူးဖြစ်သည်။
၅။ ကရင်လွှတ်တော်အမတ်များအားလုံး ကန့်ကွက်သူမရှိ၊ ထောက်ခံကြသည် သာမက မြန်မာတပြည်လုံးအတွက် ရုံးပိတ်ရက်ကြီးလည်းဖြစ်သည်။
ကရင်နှစ်သစ်ကူးနေ့ကို ကရင်အမျိုးသားများအနေနှင့် ၁၉၃၉ ခုနှစ်တွင် ပထမဆုံးအကြိမ်တရားဝင်ကျင်းပရသည်။ ခရစ်ယာန်များတက်ကြွစွာကျင်းပကြ သော်လည်း ဗုဒ္ဓဘာသာနှင့် နတ်စားကရင်တချို့က လက်မခံဘဲ ဘိုးဘွားဘီဘင် လက်ထက်က တွက်ဆကြသည့်အတိုင်း တပို့တွဲလဆန်း (၁)ရက်နေ့တွင် ကျင်း ပကြသည်။ သူတို့တွက်ဆကြသည်မှာ ပြာသိုလသည် ကရင်(လားပလူ)လဖြစ် သည်။ လုပ်ငန်းကိုင်ငန်းနှင့် မကိုက်ညီဟုလည်း အကြောင်းပြသည်။
၁၉၅၅ ခုနှစ် KRC အမြဲတမ်းကော်မတီ မိုးရာသီစည်းဝေးပွဲတွင် မူးဆိုး ကော်ကစာမှ ဦးစီးပြီး ကရင်နှစ်သစ်ကူးနေ့ သလေလဆန်း (၁)ရက်နေ့ကို တပို့ တွဲလဆန်း (၁)ရက်နေ့ဟု ပြောင်းလဲသတ်မှတ်သည်။
အကြောင်းပြချက်-
၁။ ပြာသိုလသည် (လားပလူ)လသာဖြစ်ခြင်း၊ (အရိုးကောက်လ၊ အရှောင်လ)။
၂။ ဘိုးဘွားယဉ်ကျေးမှုကို ထိန်းသိမ်းသည့် ကရင်ရှေးလူကြီးများက သလေကို တပို့တွဲဟုယူခြင်း။
၃။ ကရင်များသည် မွန်ဂိုးလီးယားမှ တရုတ်ပြည်ယူနန်ကိုဖြတ်၍ မြန်မာပြည်သို့ ရောက်သည်။ တရုတ်နှစ်သစ်ကူးနေ့သည် အများအားဖြင့် တပို့တွဲလဆန်း (၁)ရက်၊ ထို့အပြင် ဗီယက်နန်၊ ကမ္ဘောဒီးယား၊ လော အမျိုးသားများ၏ နှစ် သစ်ကူးနေ့သည် တပို့တွဲလဆန်း (၁)ရက်ဖြစ်ခြင်း။
၎။ ကရင်နှစ်သစ်ကူးနေ့ကို ပြာသိုလဆန်း (၁)ရက်နေ့ဟုယူက ကမ္ဘာ့ပြက္ခဒိန်တ နှစ်နှစ်တွင် ကရင်နှစ်သစ်ကူးတကြိမ်မှမရှိဘဲ ဥပမာ- ၁၉၈၁ ကရင်နှစ်သစ်ကူး နှစ်ကြိမ်ရှိခြင်း၊ ၁၉၈၁ ဇန္န၀ါရီ (၆)ရက်နှင့် ဒီဇင်ဘာ (၂၆)ရက်များ ကရင့်နှစ် သစ်ကူးနေ့ဖြစ်သည်။ တပို့တွဲလဆန်း (၁)ရက်ယူပါက တနှစ်တကြိမ်သာရှိ သည်။
၁၉၇၀ ခုနှစ် အမျိုးသားကွန်ဂရက်တွင် (ရန်ကုန်အပါအ၀င်)နှင့် တောနယ် များ အထူးသဖြင့် မြစ်ဝကျွန်းပေါ်များတွင် ကရင်နှစ်သစ်ကူးနေ့ကို ပြာသိုလဆန်း (၁)ရက်နေ့နှင့် တပို့တွဲလဆန်း (၁)ရက်နေ့ဟူ၍ (၂)မျိုးဖြစ်လေသည်။ ရွှေကျင်၊ ကျောက်ကြီးနယ်များတွင် ရှေးကတည်းက တပို့တွဲလဆန်း (၁)ရက်နေ့ကို ကရင် နှစ်သစ်ကူးနေ့အဖြစ် ကျင်းပကြသည်။
မှတ်ချက်- ယနေ့ကာလတွင် ကရင်အမျိုးသားစည်းလုံးညီညွတ်ရေးကိုရှေ့ရှုပြီး ပြာသိုလဆန်း (၁)ရက်နေ့ကို ကရင်နှစ်သစ်ကူးနေ့အဖြစ် ကျင်းပရမည်ဖြစ်သည်။

ဖူးစကောလယ်တော၏ သင်တန်းမှတ်စုထဲမှ ထုတ်နုတ်ယူသည်။